Termat dhe kushtet

Linja e Aeroportit ofron transport të rregullt me autobus midis Aeroportit Ndërkombëtar të Tiranës dhe Qendrës së Tiranës, si dhe midis Aeroportit dhe Terminalit të autobusëve Jug-Veri.

Nisjet kryhen çdo orë, në orën e plotë: për Qendrën 24 orë në ditë, 7 ditë në javë; për Terminalin Jug-Veri 07:00–18:00.

Nëse autobusi mbushet përpara orarit të nisjes, ai niset menjëherë dhe një autobus i dytë niset në orarin e planifikuar.

Shërbimi nuk kërkon rezervim paraprak dhe është i hapur për të gjithë pasagjerët.

Biletat blihen brenda në autobus gjatë hipjes, ose online në luna.al.

Në autobus paguhet vetëm çmimi i biletës. Për blerjet online shtohet tarifa e transfertës bankare, e cila shfaqet para pagesës dhe nuk rimbursohet në anulim.

Bileta është e vlefshme për një përdorim deri në 23:59 të datës së udhëtimit, për çdo nisje të asaj dite, dhe nuk lidhet me një nisje të caktuar.

Bileta e blerë online anulohet nga vetë faqja e biletës deri 1 ditë përpara udhëtimit dhe çmimi i biletës rimbursohet 100% në çast. Më afër nisjes anulimi bëhet me kërkesë, që shqyrtohet nga zyra dhe mund të pranohet ose të refuzohet. Pas skanimit të biletës nuk ka anulim.

E drejta e tërheqjes brenda 14 ditëve, që vlen për disa blerje në distancë, nuk zbatohet për shërbimet e transportit të pasagjerëve. Bileta e blerë online anulohet dhe rimbursohet vetëm sipas kushteve të mësipërme.

Fëmijët që zënë vend paguajnë biletë të plotë.

Bileta është personale dhe nuk mund të transferohet.

Shtetasit shqiptarë me aftësi të kufizuara përfitojnë 50% ulje, me paraqitjen e librezës së invaliditetit.

Çdo pasagjer mund të marrë me vete 2 bagazhe të mëdha dhe 2 çanta të vogla.

Biçikletat dhe sendet e tjera të mëdha tarifohen me 500 L (ca. 5,50 €) shtesë, me pagesë në autobus.

Në oraret e natës autobusët mund të mos kenë hapësirë të mjaftueshme për bagazhe, prandaj nëse keni biçikletë pyesni paraprakisht.

Operatori nuk mban përgjegjësi për humbjen, dëmtimin apo vjedhjen e bagazheve gjatë udhëtimit. Pasagjerët janë përgjegjës për mbikëqyrjen e sendeve të tyre.

Kafshët shoqëruese pranohen në autobus vetëm brenda një kutie ose kafazi transporti.

Kafshët e vogla mund të udhëtojnë pranë pronarit. Nëse kutia zë një ulëse, paguhet bileta e plotë.

Kafshët që vendosen në bagazhier, brenda kutisë, udhëtojnë pa asnjë pagesë.

Pasagjerët duhet të ndjekin udhëzimet e stafit gjatë gjithë kohës.

Ndalohet pirja e duhanit, konsumi i alkoolit dhe sjellja e pahijshme.

Ndalohet konsumimi i ushqimeve dhe i pijeve gjatë udhëtimit.

Shkelja e këtyre rregullave mund të rezultojë në përjashtim nga udhëtimi, pa rimbursim.

Operatori synon të respektojë oraret, por nuk është përgjegjës për vonesa të shkaktuara nga trafiku, moti apo faktorë të jashtëm.

Itinerari mund të ndryshohet përkohësisht për të shmangur trafikun ose për të ndjekur rrugë më efikase. Njoftimet zyrtare publikohen në faqet sociale të Luna Travel.

Operatori nuk mban përgjegjësi për humbjen e fluturimeve si pasojë e vonesave nga trafiku, moti apo faktorë të tjerë të paparashikueshëm. Rekomandohet planifikimi me kohë rezervë të mjaftueshme.

Linja e Aeroportit operon me itinerar të drejtpërdrejtë, pa stacione të ndërmjetme zyrtare. Shoferi nuk është i detyruar të kryejë ndalesa të tjera gjatë rrugës.

Në raste të veçanta, kur kushtet e trafikut, sigurisë dhe infrastruktura rrugore e lejojnë, mund të realizohet një ndalesë jashtë stacioneve zyrtare, vetëm nëse kërkesa bëhet paraprakisht, përpara nisjes. Vendimin e merr stafi dhe ndalesa nuk garantohet në çdo rast.

Për çdo informacion, sugjerim apo ankesë mund të na kontaktoni:

Email: info@luna.al
Telefon: +355 68 900 6146
Adresa: Rruga e Durrësit 75, Tiranë